dadi

kuch khaas nahin karti thi dadi,
bas rahti thi,
na chal pati thi,
na ab padh pati thi,
guzar gayi saansein,
rah gayi bas aahein,

saath rahne ki aadi
yaadon si meri dadi...

mil gayi pankh unhe
ya sukoon ka thikana,
ud chali ya so gayin,
suna kamra bhar yaadein bo gayin.

kuch khaas nahin karti thi dadi
bas rahti thi.
ab bhi rah gayin.....

pal

ek pal ki talaash mein
hazaron pal kho rahe hain...

zindagi se thak kar kyon
sapne bhi so rahe hain....

hai ya the isi baat pe
rishte bhi ro rahe hain....

ek pal ki talaash mein
hazaron pal kho rahe hain...